ဖိလစ်ပိုင်နိုင်ငံသည် ၂၀၂၅ ခုနှစ် ဒီဇင်ဘာလတွင် စိုက်ပျိုးရေး ကုန်သွယ်မှုလိုငွေပြမှု သိသိသာသာ ကျဉ်း မြောင်းလာခြင်းဖြင့် အဆုံးသတ်ခဲ့ပြီး အပူပိုင်းဒေသ သစ်သီးဝလံများ ဦးဆောင်သော လယ်ယာပို့ကုန်များ မြင့်တက်လာခြင်းနှင့် သွင်းကုန်များ လျော့နည်းလာခြင်းတို့ကြောင့် ဖိအားများကို လျှော့ချပေးခဲ့ကြောင်း နိုင်ငံ၏ စိုက်ပျိုးရေးဌာန (DA) က ဖေဖော်ဝါရီလ ၇ ရက်နေ့တွင် ပြောကြားခဲ့သည်။
   ဖိလစ်ပိုင်စာရင်းအင်းအာဏာပိုင်အဖွဲ့မှ ထုတ်ပြန်သော အချက်အလက်များအရ ဒီဇင်ဘာလတွင် စိုက်ပျိုးရေးပို့ကုန်များသည် အမေရိကန်ဒေါ်လာ ၈၈၄.၇၇ သန်း သို့မဟုတ် စုစုပေါင်း စိုက်ပျိုးရေးကုန်သွယ်မှု၏ ၃၆ ရာခိုင်နှုန်းအထိ ရောက်ရှိခဲ့ပြီး သွင်းကုန်များသည် အမေရိကန် ဒေါ်လာ ၁.၅၅ ဘီလီယံ သို့မဟုတ် ၆၄ ရာခိုင်နှုန်း ရှိခဲ့သည်။ ယင်းကြောင့် ကုန်သွယ်မှုလိုငွေ ဒေါ်လာ ၆၆၈.၃၅ သန်း ရှိခဲ့ပြီး ၂၀၂၄ ခုနှစ် ဒီဇင်ဘာလတွင် မှတ်တမ်းတင်ထားသည့် ပမာဏထက် ၂၇ ရာခိုင်နှုန်း လျော့နည်းသွားခဲ့သည်။
   အာရှနှင့် ဥရောပဈေးကွက်များတွင် အမြတ်အစွန်းနှင့် ဝယ်လိုအား ပိုမိုမြင့်မားလာစေရန် ရည်ရွယ်၍ ငှက်ပျောသီး၊ သရက်သီး၊ နာနတ်သီးနှင့် ဒူးရင်းသီး အပါအဝင် ကမ္ဘာ့ဈေးကွက်များအတွက် တန်ဖိုးမြင့်သီးနှံ ၁၂ မျိုးကို ဖော်ထုတ်ထားကြောင်း DA က ပြောကြားခဲ့ကြောင်း သိရှိရပါသည်။
Source : Xinhua  
Source: https://www.doca.gov.mm